محمود الشاعري اشلون دنيه

هيه هاي شلون دنية..
انته تتكبر علية..؟
نسيت نفسك من اجيك..؟
تكوم تاخذلي تحية..

جنت من تسمع بأسمي..
تكوم تتراجف خطيه..
مو أفضحك وأحجي كلشي...
جنت حتى تبوس ايدية..

جنت من توكف كبالي..
مرتبك خايف احسك..
هسه تحجي بصوت عالي..
وك يمكن انته نسيت نفسك..

ولك شوف لا تخليني ازعلك..
وحجي ميعجبك اسمعك...
والله اذا طخت براسي...
منين ما جبتك ارجعك...

وانته هيج وياية تحجي..
عينك بعيني تصير..
امداهة شلون دنية..
خلت الحافي أمير...

جان صوتك كوة يطلع..
من تجي توكف مكانك..
هسه صار لسان عندك..
مو اجي واكطع لسانك...